القائمة الرئيسية

الصفحات



شو بتعرفوا فوائد عن الثوم 🤔 ؟ وهل له مضار ؟  

🔰ينمو الثوم في مناطق كثيرة من العالم و تعد الصين المنتج الأول له

 يعد مكون أساسي في الطبخ لرائحتو و طعمو اللذيذ ، ولكن كان استخدامو الأكبر بسبب خصائصو العلاجية الكتيرة. 


🔰الثوم منخفض السعرات الحرارية  وبيحتوي  على مركبات الكبريت و فيتامين B6و المنغنيز و السيلينيوم و كميات من الكالسيوم و النحاس و البوتاسيوم و الفوسفور و فيتامين B1


وهلق خلونا نحكي عن فوائد الثوم بشكل مفصل 🤓👌:


🧄 لاحظوا أنو الجرعات العالية من الثوم بتعمل على تحسين ضغط الدم خاصة عند المرضى اللي بعانو من  ارتفاع الضغط 😃


🧄وشافوا كمان أنو بيعمل على تحسين مستويات الكوليسترول (LDL) و بالتالي بقلل من خطر الإصابة بأمراض القلب

لكن لم يتم التأكد من تأثيره على مستويات ال HDL والشحوم الثلاثية TG 


🧄والفائدة الأهم هي خفض نسبة الدهون بالدم ف بقلل من خطر تصلب الشرايين atherosclerosis

لأنو بيمنع ترسب الدهون بجدران الأوعية الدموية 🤓


🧄ومن فوائده أيضا الوقاية من الإصابة ب سرطان البروستات حيث تبين أنو الرجال اللي بيتناولو الثوم عندهم خطر الإصابة أقل ب 50 %من غيرهم.


🧄و بيحتوي الثوم على مضادات أكسدة

فلافونويد وبولي فينول

flavonoids and polyphenols

يلي بتساعد في منع الزهايمر و الخرف

لأنو الضرر التأكسدي من الجذور الحرة يساهم بعملية الشيخوخة وتلف الخلايا و بالتالي الإصابة بأمراض كالخرف و الزهايمر. 


🧄بيحتوي الثوم على مادة الأليسين allicin اللي تعد مضاد للبكتريا و للفطريات و يستخدم في علاج الرشح و نزلات البرد. 


🧄 وأخيرا بقلل الثوم من مستويات السكر قبل الوجبه عند مرضى السكري و خاصة عند تناوله لمدة 3 أشهر على الأقل.


بعد كل هالفوائد يلي عرضناها 😃 معقول الثوم  الو آثار جانبية؟


أكيد الثوم متل اي شي الو فوائد رح يكون الو آثار جانبية كمان 😁


إذن يعد الثوم آمن عند تناوله بشكل مناسب و لكن ممكن  يسبب :

 🔴 رائحة الفم الكريهة و رائحة للجسم


 🔴 حرقة بالفم و المعدة


 🔴 الإسهال


 🔴ممكن يزيد من خطر النزيف و خاصة عند تناول مضادات التخثر 


 🔴 ممكن تسبب المنتجات اللي بتحوي على الثوم الحساسية فلما منطبقها عالجلد تسبب تلف يشبه الحرق.


 🔴 انخفاض ضغط الدم خاصة عند اللي  بعانوا أساسا من انخفاض ضغط الدم.


🔰و بالتالي تناول الثوم بالطعام بشكل مناسب و باعتدال الو فائدة كبيرة مع الانتباه لآثارو الجانبيه 😁


تعليقات