القائمة الرئيسية

الصفحات

نصيحة صغيرة لاخواتى الأصغر طلبة طب للدكتور بشير حلمي

نصيحة صغيرة لاخواتى الأصغر طلبة طب
انا فاهم كويس ان الكلية صعبة ومملة و طويلة 😢 وانت جواها بتحس ان الحياة ضلمة و المستقبل مظلم ..
وممكن تكون انت تقديراتك ضعيفة ففاقد الأمل انك تتعين فى مكان كويس بعد التخرج ..
ممكن تكون ده فعلا النظرة الضيقة للأمور اللى خلتنا كلنا فاهمين انى لازم اجيب تقدير مش عارف شكله ايه عشان ينفع ابقى دكتور ..
بس اللى انا فهمته بعدين ..
 ان الدنيا اوسع من كده بكتير اوى ومجرد يكون معاك شهادة تخرج من كلية الطب فأنت دكتور محترم بتتفتح ادامك السكك المقفولة ودول وانظمة طبية كتير بتبذل مجهود كبير عشان تشتغل عندها وتستفيد منك..

حبيب قلبى الدنيا واسعة اوى زمايلك اللى اتخرجوا ( باى تقدير) ماليين كل الدول واللى جاب مقبول زى الاول على الدفعة .. الحياة صدقنى مختلفة بعدين 
 انسى التقدير والضغوط والقرف .. ذاكر من المكان اللى يريحك .. افتح النت اقرا حاجات جديدة لو مش عاجبك الكتب حقك .. شوف فيديوهات .. اسمع تسجيلات .. ومش مهم التقدير والله الدنيا اكبر وأوسع من جيد وجيدجدا وامتياز احنا بس اللى مضيقنها على نفسنا 🤕
 انا يا سيدى كنت فى الجامعة ومن أوائل دفعتى و سبتها الى الفضاء الأوسع .. انت برضه هتحقق اللى انت عايزه بس شوية صبر ..
مارس هواياتك واخرج مع صحابك واستمتع بحياتك و متنساش تستعين بربنا عشان هو قادر بين غمضة عين وانتباهتها يغير كل شيئ..
 وطلبة طب بالذات انا هحاول اعطيهم من وقتى قدر اكبر باْذن الله لو حد أراد منهم خدمة انا تحت أمره .. كلمنى او اى من الأخوة الأفاضل هنا محدش هيتاخر فى مساعدتك باْذن الله


تعليقات