القائمة الرئيسية

الصفحات

28 نصيحة صيدلانية بعض النصائح من الاخطاء الشائعة ومعرفة الصحيح منها


١- لاتعطي حقنه البنسلين طويل المدى الا بعد التاكد ان المريض اخدها من قبل والافضل عمل اختبار حساسيه لحسن يطلع عنده حساسيه وتبقى كارثه او الدواء من شركه ثانيه واختلاف الماده الحافظه يسبب حساسيه فالافضل كل مره اختبار.


٢- بلاش نظام مجموعه البرد وتحط قرصين مضاد حيوى لانك عارف ان كورس المضاد الحيوي لازم على الاقل يستمر يومين بعد الشفاء يعنى ياخد فتره من٥-٧ ايام والا انت بتضر الشخص والجنس البشرى كله.

٣- احذر من ان تعطي طفل اقل من 12 سنه اسبرين لان ممكن يؤدى الى Reye s syndrome ويموت.

٤- التاكيد على ان نقط الانف لاتزيد عن ٥ ايام حتى لو الرشح لسه موجود لانها بعد هذة المده بتعمل احتقان عكسى وتزيد حده الرشح والاحتقان وتعمل اتروفي ضمور في الجيوب الانفيه كمان احذر ان تعطي نقط الرشح لمريض الضغط هترفع الضغط جدا ونقط الرضع ياخذها كتير مش مشكله لأنها محلول وقبل كل رضعه علشان يقدر يتنفس أثناء الرضاعه.

٥- احذر من ان تعطي حامل زيت خروع لانه يحفز انقباضات الرحم ويحصل اجهاض ولكن للعلم يمكن اعطاؤه قبل الولاده لزياده الطلق.

٦- احذر من ان توضع مرهم اسود على جرح اوحتى على الخراح بعد مايفتح ممكن بس تحطه لو الجرح كون صديد ومحتاجه يتجمع علشان تفتحه.

٧- لا تعطى فياجرا لمريض قلب يتعاطى النيترات هيموت بالهبوط الحاد وتنبه علي اللي ياخذ المنشطات الجنسيه ياخذ معاها حاجه مالحه وعصائر كثير.

٨- لا تعطى مسكن مثل الفولتارين او البروفين وغيرهما قبل سؤال المريض عن حال المعده بيعملوا التهاب وفرحه واوعي تعطيهم وريد عضلات فقط.

٩- لا تعطى مرهم به هيدروكينون مفتح البشره من غير ماتنبه على المريض مايخرجش به فى الشمس والحسن يدهنه فى الظلام قبل ماينام عشان مايعمل اثار عكسيه وضهور بقع على الوجه.

١٠- لا نعطى اقراص مانعه للحمل لواحده عندها ضغط لانها ترفع الضغط وكمان لو حصلها جلطه سواء شريانيه او وريديه قبل كده تستخدم اي وسيله أخرى ولازم توقفها قبل اى عمليه بفتره.

١١- لاتعطى شخص عنده ضغط حاجه من مجموعه ديكلوفيناك لانها هتزوده خاصة ديكلوفيناك صوديوم.

١٢- لاتعطى ديكساميثازون لمريض السكر او الضغط لانها هترفعهما.

١٣- لاتخلط حقن اولفين مع نيورافيت لانه هيرسب والكلام هذا على كل فيتامين B12 ماعدا ديبوفيت.

١٤- لاتعطى حقن سيفاجين فى الصيدليه او البيت لانه ممكن يكون عنده حساسيه والحقنه هذه ليست موجوده وكانت بتتاخذ وريد فقط.

١٥- لاتعطي اقراص للبرد بها ماده pseudoephedrine قبل ما تتاكد ان المريض ماعنده ضغط.

١٦- لاتعطي فيتامين C لمريض عنده انيميا الفول او حمى البحر المتوسط.

١٧- لاتعطي كورتيزون مع عدوى فيروسيه او مريض قرحه اوسكر او ضغط.

١٨- اختبارات الحساسيه للبنسلين بعد ماتحلها نقطه تحتةالجلد وتنتظر ٢٠دقيقه اما بالنسبه للتيتانوس ناخد نقطه من الامبول +١٠ ماء وبعد كده احقن نقطه تحت الجلد وننتظر ٢٠ دقيقه.

١٩- لاتعطى دوا حديد لمريض الكبد ولو عنده انيميا علاجه الوحيد نقل دم.

٢٠-لاتعطى دوا جنسنج للحامل او مريض الضغط.

٢١- لاتعطى الحديد مع فيتامين

٢٢- لاتعطى لمريض الكبد اى مسكنات غير هيبامول.

٢٣- لاتعطى اى مسكن لمريض عنده ربو غير باراستامول.

٢٤- لاتعطى اى مسكن لمريض عنده مغص الا لما تتاكد ان المكان مش زايده لحسن يعمل تغطيه للاعراض ويروح فيها المريض ممكن تدى مضاد للتقلصات.

٢٥ - الباراسيتامول هو المسكن الوحيد لمرضى الربو.

٢٦- الباراسيتامول مسكن وخافض للحراره ولكن لا يعالح الالتهابات.

٢٧- لاتعطي للحامل اى علاج فطريات لانه ممكن تسبب تشوهات للجنين.

٢٨- لاتعطى لحامل يوروسولفين فوار لان بها كولشيسين يعمل تشوهات وبيمنع النمو السليم لأنه بيقلل انقسامات الخلايا.




تعليقات